या बॅरिकेड्समुळे वाहतूक कोंडी आणि विलंब मोठ्या प्रमाणात होत होता, जे रोजच्या प्रवासासाठी त्रासदायक ठरत होते. पण आता बॅरिकेड्स काढल्यानंतर वाहनांची हालचाल सहज आणि वेगाने होत आहे. यामुळे स्थानिक रहिवासी, दुकानदार आणि प्रवाशांना मोठा दिलासा मिळाला आहे.

दरम्यान, लवकरच टिळकवाडी सेकंड गेट येथे उड्डाणपूल उभारण्याचे काम सुरू होणार आहे. त्यामुळे त्या वेळेस संपूर्ण वाहतूक पहिल्या रेल्वे गेटमार्गे वळवली जाणार आहे. त्याआधी वाहतुकीचा प्रवाह कसा राहतो, हे पाहण्यासाठी सध्या बॅरिकेड्स हटवून निरीक्षण सुरू करण्यात आले आहे.

आजूबाजूचे दुकानदार आणि रिक्षाचालकांनी समाधान व्यक्त करताना सांगितले की, या निर्णयामुळे पूर्वीची सामान्य स्थिती पुन्हा येईल आणि इंधन व प्रवासाचा वेळ यामध्ये मोठ्या प्रमाणात बचत होईल. तसेच इंधनाच्या कमी वापरामुळे या परिसरातील प्रदूषण पण कमी होण्यास मदत होईल.