निट्टूर गावातील तिघांची सायबर फसवणूक; 6 लाखांहून अधिक रुपयांचा तोटा | Cyber Fraud
चंदगड तालुक्यातील शिनोळी येथील एक्वा कंपनीत काम करणाऱ्या निट्टूर गावातील तीन कर्मचाऱ्यांना सायबर गुन्हेगारांनी फसवले आहे. 21 मे रोजी त्यांच्या बँक खात्यांतून एकूण 6 लाख 3 हजार रुपयांची ऑनलाईन फसवणूक करण्यात आली. ही घटना 20 ते 22 मे या कालावधीत घडली असून कोवाड पोलीस ठाण्यात ऑनलाईन तक्रार दाखल करण्यात आली आहे.
फसवणूक झालेल्यांमध्ये –
-
विश्वनाथ पाटील (रु. 3 लाख)
-
पांडुरंग महादेव पाटील (रु. 2 लाख)
-
दीपक कृष्णा पाटील (रु. 1 लाख 3 हजार)
या तिघांचाही समावेश आहे. सर्वांचे बँक खाते बँक ऑफ महाराष्ट्र, कोवाड शाखा येथे असून, फसवणूक याच शाखेतून झाली आहे.
फसवणुकीचा प्रकार असा होता की, सायबर गुन्हेगारांनी व्हॉट्सअॅप ग्रुपवर एक लिंक पाठवली. पांडुरंग पाटील यांनी तो उघडताच त्यांच्या मोबाईलवरील व्हॉट्सअॅप अकाउंट हॅक झाले. त्यानंतर त्यांच्या नंबरवरून तोच दुवा गावातील ग्रुपवर पाठवण्यात आला. ही लिंक मित्राकडून आला आहे असे समजून दीपक पाटील आणि विश्वनाथ पाटील यांनीही ती लिंक उघडली आणि त्यांचे अकाउंट हॅक झाले.
यानंतर हॅकर्सनी तिघांच्या बँक खात्यांतून लाखो रुपये काढून घेतले. कोवाड पोलीस ठाण्यात तक्रार दाखल करण्यात आली असून पोलिसांनी तपास सुरू केला आहे. हे प्रकरण लवकरच सायबर गुन्हे शाखेकडे वर्ग करण्यात येणार आहे.
🔐 सायबर फसवणुकीपासून बचावासाठी आवश्यक खबरदारी
-
अनोळखी लिंक्स उघडू नका
– व्हॉट्सअॅप, SMS, ई-मेल किंवा सोशल मीडियावर आलेल्या अनोळखी किंवा संशयास्पद लिंक्सवर क्लिक करू नका. -
OTP किंवा पासवर्ड कोणालाही देऊ नका
– बँक, UPI किंवा कोणत्याही खात्याचा OTP, पासवर्ड, PIN इतर कोणासोबतही शेअर करू नका – अगदी मित्र किंवा नातेवाईकांसोबतही नाही. -
दुहेरी सुरक्षा (Two-Factor Authentication) वापरा
– WhatsApp, Gmail, Facebook व बँकिंग अॅप्ससाठी 2FA (Two-Step Verification) सुरू ठेवा. -
आपले अॅप्स अपडेट ठेवा
– मोबाईलमधील अॅप्स व ऑपरेटिंग सिस्टम वेळोवेळी अपडेट करत राहा, जेणेकरून सुरक्षेसाठी नवीन फीचर्स अॅक्टिव्ह होतील. -
बँक व्यवहारांवर लक्ष ठेवा
– आपल्या खात्यातील व्यवहार नियमितपणे तपासा. संशयास्पद व्यवहार आढळल्यास त्वरित बँकेशी व पोलिसांशी संपर्क साधा. -
पब्लिक WiFi वापरताना काळजी घ्या
– बँकिंग किंवा महत्त्वाची लॉगिन्स करताना सार्वजनिक WiFi टाळा. हे नेटवर्क सुरक्षित नसतात. -
सायबर क्राईम हेल्पलाईन लक्षात ठेवा
– फसवणूक झाल्यास त्वरित 1930 या सायबर क्राईम हेल्पलाईन नंबरवर संपर्क करा किंवा www.cybercrime.gov.in वर तक्रार नोंदवा. -
WhatsApp मध्ये ‘प्रोफाइल प्रायव्हसी’ सेटिंग तपासा
– आपला प्रोफाइल फोटो, स्टेटस, लास्ट सीन ‘Contacts Only’ किंवा ‘Nobody’ वर सेट करा. -
ग्रुप अॅडमिन सावध रहा
– कोणत्याही ग्रुपमध्ये अनोळखी नंबर अॅड होत असल्यास लगेच रिमूव्ह करा. WhatsApp ग्रुपमध्ये अॅड करण्यासाठी ‘Admins Only’ पर्याय ठेवा. -
फसवणूक झाल्यास घाबरू नका, त्वरित कृती करा
– वेळ वाया न घालवता बँक व पोलिस ठाण्याशी संपर्क करा. अनेक वेळा वेळीच तक्रार केल्यास पैसे वाचू शकतात.
Leave a Reply