बेळगाव शासकीय प्रथम श्रेणी महिला महाविद्यालयात आज एक भव्य जिल्हास्तरीय रोजगार मेळावा आयोजित करण्यात आला. या उपक्रमात बेंगळुरू आणि बेळगाव येथील नामवंत उत्पादन कंपन्यांनी सहभाग घेतला, ज्यामध्ये विस्ट्रॉन, होंडा, टाटा इलेक्ट्रॉनिक्स, फॉक्सकॉन यांसारख्या आघाडीच्या उद्योगांचा समावेश होता.
या रोजगार मेळाव्यासाठी SSLC, PUC, ITI, डिप्लोमा तसेच विविध विषयांतील पदवीधर उमेदवारांनी मोठ्या संख्येने सहभाग नोंदवला. एकूण १०७० उमेदवारांनी ऑनलाइन नोंदणी केली होती, यापैकी ९०० उमेदवारांनी प्रत्यक्ष उपस्थित राहून संधीचा लाभ घेतला.
विशेष म्हणजे, ७१७ उमेदवारांची तात्काळ निवड करण्यात आली असून त्यांना थेट नोकरी नियुक्ती पत्रकांचे वितरण देखील करण्यात आले. हा मेळावा विद्यार्थ्यांसाठी आणि बेरोजगार तरुणांसाठी रोजगाराच्या दृष्टीने अत्यंत फलदायी ठरला.
Leave a Reply