1 एप्रिल 2025 पासून कर्नाटक राज्यातील 66 टोल प्लाझांसाठी टोल दरात 3% ते 5% वाढ होणार आहे. राष्ट्रीय महामार्ग प्राधिकरणाच्या बंगळूर प्रकल्पाचे संचालक के. बी. जयकुमार यांनी ही माहिती दिली.
नवीन सरकारी धोरणानुसार टोल दर वाढवण्यात आले आहेत, त्यामुळे वाहनचालकांना अधिक खर्च करावा लागणार आहे. रस्ते विकास, दुरुस्ती आणि देखभालीच्या वाढत्या खर्चामुळे टोल वाढ अनिवार्य असल्याचे सांगण्यात आले आहे.
राज्यातील बहुतांश महामार्गांवरील टोल वाढणार असल्याने वाहनधारक आणि प्रवाशांना याचा फटका बसणार आहे. विशेषतः नियमित प्रवास करणाऱ्यांवर याचा मोठा आर्थिक प्रभाव जाणवेल.
केंद्रीय भूपरिवहन मंत्री नितीन गडकरी यांनी टोल दरवाढीचे समर्थन करत सांगितले की, वाहतूक व्यवस्थेच्या पायाभूत सुविधांच्या विकासासाठी हा निर्णय आवश्यक आहे.
Leave a Reply